Verkefni
– leiðbeiningar
[Kynning]
Nú eigið þið
að fást við vandamál vegna fólksfjölgunar í heiminum – einkum á
Indlandi. Í þessum kafla er sjónum beint að aukinni fólksfjölgun. Skrifið
niðurstöður ykkar t.d. inn í ritvinnslu. Þið getið líka búið
til línurit og myndrit á pappír eða í tölvunni.
1. Dettur ykkur góð fyrirsögn í hug? Hvernig ætlið þið að taka á
verkefninu?
2. Vakna hjá ykkur einhverjar spurningar sem þið viljið gjarna fá svör við?
[Heimildir]
1. Skráið hjá ykkur hvar þið ætlið að leita upplýsinga um efnið.
2. Þið skuluð venja ykkur á að skrá bókarheiti, nöfn á kvikmyndum,
vefslóðir eða annað sem þið ætlið að nota við heimildaöflun
– líka úr námsefninu „Umhverfis jörðina“.
[Úrvinnsla og kynning]
Það getur verið ágætt að hugleiða strax í upphafi hvernig þið
ætlið að kynna verkefnið. Vel getur verið að þið skiptið um skoðun
þegar verkefnið er lengra á veg komið.
1. Skráið hvað þið ætlið að gera.
2. Skráið hugmyndir um hvernig þið ætlið að kynna verkefnið fyrir öðrum.
[Aðferð]
1. Búið til línurit
sem sýnir fólksfjöldaþróun á Indlandi á árunum 1950–2000.
Þið getið ef til vill líka fundið tölur frá árunum fyrir 1950 í
eldri heimildum.
2. Skráið einnig fólksfjölgunina á hverjum áratug.
3. Lýsið þróuninni. Ef til vill getið þið stuðst við kaflann um tímalíkan
mannfjöldaþróunar í Landafræði fyrir unglinga 2. hefti, bls. 6.
4. Þið getið gert mannfjöldapíramída til að lýsa aldursdreifingunni.
Annaðhvort getið þið teiknað píramídann sjálf eða tekið hann
af netinu. Útskýrið ástæðu þess að þróunin er eins og
þar kemur fram.
5. Útskýrið áhrif aldursdreifingarinnar á samfélagið.
[Mat]
1. Hvað hafið þið
lært?
2. Hvaða þáttur verkefnisins fannst ykkur skemmtilegastur?
3. Hvernig metið þið sjálf framlag ykkar?
4. Hvernig metið þið verkefnið og skil ykkar á því? |
