Leiðbeiningar – Indland Námsefnið um Indland byggist á þeirri hugmynd að nemendur kynni sér allt efnið og velji síðan ákveðin viðfangsefni eða þemu. Kennurum og nemendum er ætlað að kanna námsefnið sameiginlega og nemendur eiga að hafa áhrif á námsferlið og verkefnavalið. Námsefnið má nota sem eins konar farveg til kennslu um Indland. Því er ekki ætlað að gefa tæmandi upplýsingar á sama hátt og kennslubók um Indland myndi gera. Á forsíðunni eru kynntir eftirtaldir efnisþættir: Sögur Upplýsingar um Indland Verkefni Sögur Í sögunum er vakin athygli á ýmsum þáttum sem einkenna indverskt nútímasamfélag. Hugmyndin er að nemendur lifi sig inn í aðstæður eins og þær eru á Indlandi nú á tímum Upplýsingar um Indland Í þessum kafla er sagt frá ýmsu sem vitað er um landið og þar er einnig að finna ýmsar upplýsingar um land og þjóð. Verkefni Hugmyndir um skipulag kennslunnar og verkefni. Heimildir Ætlast er til að leitað sé til ýmissa heimilda, svo sem bóka og alfræðirita, að upplýsingar séu sóttar á Netið og auðvitað á heimasíðu JyllandsPosten þar sem finna má krækju til leiðangursins JP-Könnuður. Verkefnin má nota á ýmsa vegu: Prentaðu verkefnið – lestu það – og notaðu það til stuðnings við úrvinnsluna. Afritaðu textann inn í ritvinnsluforrit og notaðu hann þar. Góð hugmynd getur verið að láta nemendur vinna í leiðarbækur til að skrá hjá sér minnisatriði um undirbúning, markmið og úrvinnslu verkefnanna auk þess sem þar má skrá upplýsingar og meta kennsluferlið – og það á auðvitað við um hvaða kennsluferli sem er! Góða skemmtun ... /ritstjórn og höfundar