Manuel Aramayo á ekki í neinum vandræðum með að krækja skíðastafnum sínum í keðjuna og láta lyftuna draga sig upp. En þessi lyfta yrði nú aldeilis ekki samþykkt á skíðasvæðum í Evrópu.
Skíðalöndin bráðna
Sá skíðastaður, sem hæst liggur í heiminum, er að bráðna.
Jökullinn á Chacaltaya-fjalli í Suður-Ameríkulandinu Bólivíu minnkar
ár frá ári.
Þar með glata skíðamenn heimsins einustu gönguskíðabraut sinni sem er í
meira en fimm kílómetra hæð yfir sjó.
http://www.dmi.dk/f+u/
Fýluferð upp á topp með hæstu skíðalyftu
í heimi
„Síðastliðið ár var jökullinn u.þ.b. 100 m breiðari“ segir Manuel Aramayo,
ein af gömlu kempunum í skíðafélagi staðarins.
Hann bregður sér í reynsluferð á skíðagöngubrautinni, en kemst aðeins
að raun um, að ekki verður hún opnuð þennan daginn. Þá myndi snjórinn
alveg hverfa úr brautinni. Manuel Aramayo er dreginn upp í fornlegri skíðalyftu sem gerð
er úr stálkaðli sem látinn er renna á beygluðum bílhjólum sem
hengd hafa verið á nokkra staura.
Manuel Aramayo á ekki í neinum vandræðum með að krækja skíðastafnum
sínum í keðjuna og láta lyftuna draga sig upp. En þessi lyfta yrði nú
aldeilis ekki samþykkt á skíðasvæðum í Evrópu.
Þegar Manuel Aramayo er kominn upp, heill á húfi, tilkynnir hann skíðamönnunum
átta sem mættir eru á staðinn, að ekki verði farið á jökulinn.
Vonsviknir leysa þeir af sér skíðaskóna. Enn einu sinni hafa þeir farið
fýluferð upp á Chacaltaya-fjall. Fyrir þrem árum var hægt að vera á
skíðum frá því í nóvember og fram í mars. Núna er aðeins
skíðafæri í einn mánuð. Aðra mánuði er ekki nægur snjór.
http://www.goski.com/bolivia.htm
