Frumbyggjar

Á þessari síðu: Búskmenn - Hottentottar - Bantúar - Khoisan-málið - Búar

Sjá einnig: Maðurinn í eyðimörkinni

Búskmenn
Frumbyggjar Suður-Afríku sem nú búa í jaðri Kalaharí-eyðimerkurinnar og í norðvesturhluta Höfðalands. Búskmenn eru smávaxnir, verða að meðaltali u.þ.b. 150 cm á hæð. Hörund þeirra er ljósgulbrúnt og hárið hrokkið. Þeir tala eigið mál sem tilheyrir Khoisan-málstofni (sjá hér að neðan). Búskmenn eru safnarar og veiðimenn á eyðimörkum og gresjum. Búskmenn hafa þróaða hæfileika til að rekja spor og gerir það þeim kleift að veiða þau fáu dýr sem þarna eru og rekja slóðir þeirra langar leiðir. Búskmenn verða fyrir æ meiri áhrifum af þjónustunni við ferðamenn.
Sennilega búa um 10.000 Búskmenn á þessu svæði.

Búskmenn tilheyra San-þjóðflokknum.

Hottentottar
Sjálfir kalla Hottentottar sig Khoikhoin, það þýðir fólk. Þeir tilheyra líka San-þjóðflokknum, en eru heldur hávaxnari en Búskmennirnir og hafa þar að auki snarhrokkið hár sem vinst upp í brúska. Hottentottar eru líka gulbrúnir á hörund.
Nú eru Hottentottar aðallega hirðingjar eða þeir vinna á búgörðum hvítu kvikfjárbændanna.
Mál Hottentottanna tilheyrir líka Khoisan-málstofni. Heitið Hotentottar tengist ekkert hárinu heldur þýðir „sá sem stamar“. Það voru Búar (Hollendingar) sem fannst smellihljóðin í málinu líkjast stami.


Bantúar
Samheiti yfir negrana sem búa í suðurhluta Afríku. Bantúar komu á eftir Búskmönnum og Hottentottum og hafa rekið þessa frumbyggjaþjóðflokka á undan sér í átt til ófrjósamari landsvæða. Bantúar tilheyra mörgum ættbálkum, en Ovambo-ættbálkurinn er einna fjölmennastur. Nú á tímum vilja Bantúar láta kalla sig Afríkumenn.
Búarnir kenndu Bantúa við kaffi og það gerðu líka Arabarnir við strendur Austur-Afríku.

Khoisan-málið
Tungumál þetta einkennist af smellihljóðum. Bæði San-þjóðflokkurinn og Khoisan-þjóðflokkurinn tala þetta mál.

Búar
Hollenska Austur-Asíu félagið stofnaði Höfðanýlenduna árið 1652. Hollendingarnir sem þangað fluttu stunduðu annars vegar verslun, hins vegar landbúnað. Bændurnir, sem smám saman helguðu sér land til norðurs, stofnuðu kvikfjárbú og ræktuðu korn. Þeir kölluðu sig Búa. Búarnir hafa enn mikil áhrif í stórum hluta landbúnaðarhéraðanna í Suður-Afríku.