Málarinn Doris Bloom

Doris Bloom (æviágrip) er dóttir hvíts bónda í Suður-Afríku. Doris Bloom segist verða fyrir sérstökum áhrifum af hellamálverkunum í suðurhluta Afríku. Henni finnast myndirnar innihaldsríkar og telur upprunann lifa í myndefni hellamálverkanna. Í hennar augum eru myndirnar hátíðleg, guðleg frásögn um upphafið.

Doris Bloom málar stórar myndir í sterkum litum. Í málverkum hennar má sjá áhrif hellamálverkanna.

	„Myndin sýnir mann sem krýpur við hurð. Hann heldur höfðinu á hálsinum, skornum sundur að hálfu. Málningin hefur verið látin renna hömlulaust og hlaupa í kekki.“
	Doris Bloom, 1997, 170 x 150 cm. Stækkaðu myndina með því að smella á hana.

Doris Bloom segir um myndina:

„Morgun einn, í rauðabítið, kom hann að bakdyrunum hjá okkur, og af tilviljun var það ég sem opnaði, en ég var á leiðinni í skólann. Þarna sat hann, hálsinn næstum því sundurskorinn, ataður blóði. Hann var lifandi og hafði dregist til okkar til að sækja hjálp. Síðar komst ég að því að hann hafði lent í erjum heima fyrir, en ég man ekki um hvað, eða ef til vill hefur fullorðna fólkið aldrei sagt mér það.“

Ef þú hefur áhuga á að fást frekar við málverk Dorisar Bloom getur þú t.d.:

Sagt frá myndinni:
Lýstu myndinni, myndefninu, litunum...
Hvaða hugsanir og tilfinningar vekur myndin hjá þér?
Hvað finnst þér um myndina?

Þú getur líka ort ljóð þar sem þú segir frá þeim áhrifum sem myndin hefur á þig.

Eða þú getur sagt frá/skrifað um hvað gerðist áður en maðurinn kom að bakdyrunum hjá foreldrum Dorisar Bloom.

Eða skrifað um það sem síðan gerðist.

Þú gætir fengið að skoða málverkabækur á skólasafninu og leitað að myndum eftir Doris Bloom eða aðra listamenn frá Suður-Afríku. Ef til vill er tímaritið Billedpædagogisk Tidskrift til þar. Í hefti nr. 1-1998 eru fleiri myndir eftir Doris Bloom.

Önnur dæmi um afríkanska list finnur þú hér: www.mg.co.za/mg/saarts