|
Menningarheimar mætast
Skrifaðu ritgerð þar sem þú gerir grein fyrir aðstæðum þar sem hinn
kristni menningarheimur og menningarheimur islam mætast. Það getur hvort sem er verið í
kristnu landi eða landi múslima.
Sálmasöngur,
kristinn sálmur og súfa-ljóð
Maðurinn nálgast guðdóminn í kristnum sálmasöng og súfa-ljóðum
múslima. Lestu súfa-ljóðin og berðu efni þeirra og form saman við kristna
sálma, t.d. sám Helga Hálfdanarsonar; Kom, minn Jesú.
Tvær kynslóðir
bera vitni
Oft kemur í ljós
að kynslóð foreldra annars vegar og barna hins vegar hafa mismunandi viðhorf. Þetta kemur
fram í kristnum fjölskyldum, meðal múslima og fólks af öðrum trúarbrögðum.
Láttu fyrst ungmenni og síðan foreldri bera vitni. Þú skalt bera fram spurningar
um það hversu langt má víkja frá væntingum og kröfum foreldranna til
unga fólksins.
Spurningarnar geta fjallað um samband
kynjanna, menntun, hjónaband, útlit o.fl. Þú þarft að undirbúa spurningar
vandlega með því að lesa þér til í námsefninu eða annars staðar.
Rammafrásögn
Frásagnir Þúsund
og einnar nætur eru tengdar
innan ramma sem gerir þær kröfur einar til efnisins að sögurnar séu skemmtilegar
og áhugaverðar. Ef þær væru það ekki hefði súltaninn drepið
Sheherazade.
Skrifaðu rammafrásögn
sem gefur tilefni til samskonar fjölbreytni. Þú getur líka skrifað rammafrásögn
þar sem sögurnar eru um
- sorg
- ást
- ferðalög
- stríð
- að fullorðnast
- réttlæti
- töfra
- sjálfvalið efni
Þú skalt ákveða
hvort rammafrásögnin þín gerist á Íslandi eða í Persíu.
Eiga sögurnar að gerast í fortíðinni, nú á tímum eða í
framtíðinni?
Raunveruleikinn
verður að ævintýri
Í ýmsum greinum og frásögnum lýsa ungir múslimar lífi sínu
og framtíðardraumum.
Nú skalt þú nota hið
sígilda töfrabragð að kalla fram andann í lampanum, eða aðra töfra úr
heimi Þúsund og einnar
nætur og láta draumana
verða að veruleika.
Skrifaðu nú ævintýri
einnar nætur til viðbótar. Það getur gerst í pílagrímsferð,
rétt áður en súltaninn fangar kærustuna þína og flytur hana í
kvennabúr sitt, rétt áður en fjölskyldan hegnir stúlkunni sem ekki vill hylja
andlit sitt eða rétt áður en eitthver önnur ógn snýr gæfunni gegn
þér.
Evrópsk
ævintýri og arabísk
Ævintýrahefðin er ekki eins í löndum Evrópu og í Arabíu, en ýmislegt
er þó líkt með frásögnum frá þessum ólíku landsvæðum.
Endurskrifaðu eitthvert ævintýranna í Þúsund
og einni nótt þannig
að það falli að evrópskri frásagnarhefð. Hugsaðu um ævintýrin
um Hans og Grétu, Mjallhvíti, Rauðhettu o.s.frv.
Eða finndu þér íslenskt ævintýri eða ævintýri frá
Evrópu og gefðu því persneskt yfirbragð þannig að það gæti
verið ævintýri númer 1002.
Eftir hryðjuverkin
í Luxor – hlutverkaleikur
Egypskir bókstafstrúarmenn unnu hryðjuverk á þýskum ferðamönnum
í Lúxor árið 1997.
Kynnið ykkur efnið undir fyrirsögninni
Sögur á forsíðunni.
Nú getið þið farið
í hlutverkaleik þar sem bókstafstrúarmennirnir eru dregnir fyrir rétt.
Verjandi og ákærandi kalla
vitni í réttinn. Markmiðið er ekki að ákveða sekt sakborninga því
þeir hafa viðurkennt hryðjuverkin. Markmið verjandans er að réttlæta hið
heilaga stríð sem skjólstæðingar hans heyja.
Lífsviðhorf
múslima, kristinna manna og fólks af öðrum trúarbrögðum
Kynntu þér helstu þætti islam og skráðu hjá þér hvað
þér er andstætt og hvar munurinn á þínum lífsviðhorfum og viðhorfum
múslima er óverulegur.
Nú skaltu undirbúa munnlega
frásögn þar sem þú gerir grein fyrir því hvernig fólk af ólíkum
trúarbrögðum getur að þínu mati lifað í sátt og samlyndi.
Þú getur ef til vill fengið bekkjarfélaga þína til að leggja orð í
belg og lýsa mismunandi viðhorfum. Finndu einhvern í bekknum til að stjórna umræðunum.
Leitaðu upplýsinga með
því að skoða krækjur, fletta upp í kaflanum Upplýsingar eða í
bókum á skólasafninu.
Réttlæti
Í ævintýrunum sem fylgja þessu námsefni er mikið fjallað um réttláta
dóma og það, hvernig vilji Allah leiðir allt til besta vegar og er mönnum til fyrirmyndar.
Hetjurnar eru heiðarlegar og nægjusamar,
illmennin vond og andstyggileg.
Lestu öll ævintýrin og finndu í þeim dæmi um hvernig hefðir múslima
og lífsskoðun er réttlætt.
Ræðið saman um skilning
ykkar á því hvað rétt er og eðlilegt að leyft sé í samfélaginu.
|