83 - Hluti greiðist sem félagsgjald til stéttarfélags sem launþegi tilheyrir. Peningaupphæðin sem eftir stendur og starfsmaður fær útborgaða kallast ráðstöfunartekjur. Þeim getur launþeginn ráðstafað að vild t.d. í uppihald, sparnað og fleira. LÍ FEYRISSJÓÐU R Á Íslandi eiga allir að greiða hluta af launum sínum í lífeyrissjóð. Tilgangurinn er að safna sjóði sem einstaklingur getur notað þegar hann eldist og hættir að vinna. Einstaklingur þarf að fylgjast með hvort greiðslur frá atvinnurekanda skili sér örugglega í sjóðinn. HVERN IG NOTAR MAÐU R PEN I NGA? Peningar eru til ýmissa nota. Fyrst og fremst tryggja þeir fólki helstu nauðsynjar eins og matvöru, húsnæði, hreinlætisvörur, fatnað, samgöngur og margt fleira. Einnig er vinsælt að nota peninga til að sanka að sér alls konar hlutum eða veita sér upplifun eða skemmtun. Hægt er að greiða fyrir vörur eða þjónustu ýmist með seðlum eða smápeningum en nú á dögum er algengast að viðskipti fari fram með greiðslukortum eða bankamillifærslum. GREIÐSLU KO RT Það eru til tvær tegundir af greiðslukortum, debetkort og kreditkort. Þegar einstaklingur greiðir með debetkorti er fjárhæð millifærð beint af bankareikningi hans yfir á reikning þess sem verslað er við. Einungis er hægt að versla ef peningur er til á reikningi. Þegar greitt er með kreditkorti fær einstaklingur lánaða peninga hjá kortafyrirtæki til að kaupa vöru eða þjónustu. Kortafyrirtækið greiðir seljanda vörunnar eða þjónustunnar strax en einstaklingurinn greiðir lánið til baka strax um næstu mánaðamót.
RkJQdWJsaXNoZXIy MjIxNzc=