41 Líkaminn allur (Nemendabók bls. 24) Nú þegar við höfum tengt líkamshlutana við hina ýmsu grunnþætti er ekki úr vegi að búa til tónverk úr þeim öllum. Á bls. 24 í nemendabók er að finna útlínur að líkama þar sem nemendur geta merkt hlutverk sín. • Í hjartastað eru skrifuð nöfn þeirra sem sjá um púlsinn í tónverkinu. • Í fótunum eru nöfn þeirra rituð sem stappa grunntaktinn. • Í höndum eru klapparar/hljóðfæraleikarar. • Í höfðinu eru nöfn söngvara – þeir nota munninn til að búa til hljóð. Hægt væri að gera útlínur líkama á gólf og láta nemendur raða sér á sína staði. Einnig væri hægt að gera útlínur á veggspjald eða töflu og hafa hlutverkin þannig skýr fyrir alla. Byrjið á að finna púls. • Hjartað fær það hlutverk að sjá um púlsinn með trommum (helst djúpum og bassamiklum). • Fæturnir svara með stappi sem kemur á móti púlsinum og myndar grunntaktinn. • Hendurnar fá stafspil til að spila þrástef. Hægt er að nota stefið af bls. 7 í nemendabók (AGFE) – einnig er hægt að leyfa nemendum að semja sitt eigið. Þá er gott að hafa færri nótur en fleiri. • Höfuðið syngur en auðvitað er einnig hægt að gera annars konar hljóð með munni og röddum. Jafnvel spinna eitthvað á staðnum. Mikilvægt er að hljómsveitin fái að flytja verkið fyrir áhorfendur.
RkJQdWJsaXNoZXIy MjIxNzc=