32 Dansandi beinagrindur (Nemendabók bls. 21) Í tónverkinu Karnival dýranna eftir Saint Saens sem stuttlega er kynnt í kaflanum um sjón á bls. 11 er steingervingum boðið til fagnaðarins. Þá lætur tónskáldið stafspil túlka dansandi beinagrindur enda hentar hið harða stutta hljóð stafspilsins vel til þess. Lagið er tilvalið til að þjálfa hlustun gegnum hreyfingu. • Hlustið einu sinni á lagið og biðjið nemendur að taka eftir hvaða hljóðfærum þeir heyra í. • Hvaða hljóðfæri halda þeir að túlki beinagrindurnar? • Heyrist allan tímann í stafspilunum? • Allir leggjast á gólfið og leika hreyfingarlausar beinagrindur. • Leikið nú lagið aftur og segið börnunum að beinagrindurnar megi eingöngu hreyfa sig meðan stafspilin leika. Þegar ekkert heyrist í þeim þurfa þau að liggja kyrr eða standa hreyfingarlaus. Í verkinu notast Saint Saens við nokkur stef sem líkjast brotum úr þekktum lögum. Þeirra þekktast er líklega upphafið að laginu um stafrófið eða Gulur, rauður, grænn og blár. Það má gjarnan spyrja nemendur hvort þeir hafi heyrt einhver stef eða búta sem þeir kannist við úr öðrum lögum. 58
RkJQdWJsaXNoZXIy MjIxNzc=