40740 Kynþroskaárin – Kennsluleiðbeiningar | © Menntamálastofnun og Ráðgjafar- og greiningarstöð 2023 51 Verkefni 2 Hvernig verður barn til? Bls. 191 – 193 Aðföng • Mynd 2 • Mynd 3 • Mynd 4 Aðferð Spyrjið nemendur hvernig börn verða til? Sýnið mynd 2 og lýsið að til þess að það geti orðið þurfi eitt sæði, sem er í eistum og eitt egg, sem er í eggjastokk inni í leginu, að hittast. Hægt er að búa til barn með tvennskonar leiðum: Á sama tíma og það er egglos sem gerist oftast 14 dögum frá því að blæðingar hófust þarf sæðisfruma að hitta á egg og frjóvga það með samförum. Í framhaldi byrjar fóstur að vaxa inni í leginu sem stækkar og verður að barni. Sjá mynd 3. Spyrjið nemendur hvort þau viti hvað samfarir fela í sér. Útskýrið að samfarir eru hluti af kynlífi. Áður en fólk byrjar að stunda kynlíf þarf það að ná ákveðnum aldri, vita hvað samþykki felur í sér og vera vel að sér um getnaðarvarnir og kynsjúkdóma. Þekkja þau önnur hugtök sem notuð eru um samfarir? (Ríða, sofa hjá, sofa saman, gera það …) Tækni eða glasafrjóvgun er ákveðið tæknilegt ferli sem felur í sér aðdraganda í samvinnu við heilbrigðisstarfsfólk þar sem að mörgu er að huga til að láta sæði frjóvga egg og koma því síðan aftur fyrir inni í leginu. Sjá mynd 4. Verkefni 3 Þungun og meðganga bls. 194 Aðföng • Mynd 5 Aðferð Útskýrið að það tekur 9 mánuði fyrir barn að vaxa í legi. Blæðingar stöðvast á meðan barnið er að vaxa í móðurkviði þessa 9 mánuði. Þegar barnið er tilbúið til að fæðast koma hríðir sem eru verkir. Barnið kemur út um leggöngin. Stundum gengur það ekki og er þá barnið tekið með skurðaðgerð sem kölluð er keisaraskurður. Stuttu eftir að barnið fæðist byrja blæðingar á ný. Verkefni 4 Getnaðarvarnir bls. 195 Aðföng • Mynd 6 • Smokkur og ef til vill banani/gúrka eða kennslutyppi. • Hedy kennsluvefur, kafli 2 og 3 Aðferð Fólk getur stýrt því hvort, hvenær það vill eignast barn með því að nota getnaðarvarnir. Til eru nokkrar tegundir af getnaðarvörnum sem hægt er að nota til að koma í veg fyrir þungun þrátt fyrir að samfarir séu stundaðar. Smokkurinn er ein getnaðarvörnin sem er hægt að nota á typpi. Skoðið smokk og prófið að setja hann á kennslutyppi eða til dæmis banana. Lýsið því hvað gert er við smokkinn eftir notkun; það er hnýtt fyrir hann svo sæðið renni ekki út og honum hent í ruslið. Nokkrar getnaðarvarnir eru til sem hindra egglos hjá þeim sem eru með leg. Sjá myndir af getnaðarvörnum á mynd 6 og ítarlegri umfjöllun um getnaðarvarnir og notkun þeirra í kafla 3 á ofangreindri vefslóð.
RkJQdWJsaXNoZXIy MjIxNzc=