Komdu og skoðaðu himingeiminn

Þetta er Vera. Vera er gáfuð og góður vinur ­ þeirra sem brjóta heilann. Ert þú meðal þeirra? Vera safnar hugsanablöðrum. Þær stíga til himins ein af annarri og Vera tekur á móti þeim. Það er óttalegt drasl í sumum en í öðrum er gáfulegt góðgæti. Vera flokkar blöðrurnar og svo gleypir hún fróðleikinn. Vera vill að allir hugsi mikið um lífið, tilveruna og umhverfið. Annars fengi hún ekkert að éta og þá myndi nokkuð hræðilegt gerast. Því var eitt sinn hvíslað í eyrað á henni. 2 Af hverju ætli Jörðin sé svona blá? Má tína blóm hér? Ætli fiskar sofi aldrei? Ég sé Ísland!