Handbók í textíl - viðbótarverkefni og námsmat

HANDBÓK Í TEXTÍLMENNT | KENNSLULEIÐBEININGAR | © MENNTAMÁLASTOFNUN 2023 | 40314 84 VÉLSAUMUR UNGBARNABOLUR Stærð: 70 cm Efnisþörf: * 35 cm teygjuefni * stroffefni Aðferð: 1. Klipptu eftir sniðunum. Bættu við 1 cm saumfari. Þráðrétta = eftir lykkjuröð í efninu. 2. Saumaðu axlarsaumana. Saumaðu saman með lokusaumavél eða mjóum víxlsaumi + víxlsaumi yfir brúnirnar. 3. Nældu ermarnar við bolinn, gættu þess að axlarsaumur og merking á ermi standist á. Saumaðu eins og axlarsauminn. 4. Leggðu bolinn saman með rönguna út, framhlið ofan á bak og ermarnar tvöfaldar. Nældu hliðar á bol og ermum. Saumaðu eins og axlarsaumana. 5. Mældu: vídd bols ______cm ummál hálsmáls ______cm ummál ermaops ______ cm 6. Klipptu stroffefnið: lengd stroffs neðan á bol = 3/4 af vídd bols = ______ cm lengd stroffs í hálsmáli = 3/4 af ummáli hálsmáls = ______ cm lengd stroffs í ermaopi = 3/4 ummáli ermaops = ______ cm. Breidd á tilbúinni hálslíningu er 2–4 cm. Breidd á tilbúnu stroffi neðan á bol og ermaop er 4–6 cm. 7. Saumaðu stroffbútana þannig að þeir myndi hring. 8. Merktu neðan á bolinn, í hálsmálið og við ermaop, á 4 stöðum með jöfnu millibili með blýanti. 9. Merktu stroff lengjurnar eins á 4 stöðum með jöfnu millibili með blýanti. 10. Settu tvöfalt stroffið utan um bolinn frá réttu, merki á móti merki og nældu. Ef þú notar lokusaumavél, ”þræddu” þá fyrst með saumavél með beinsaumi og fjarlægðu títuprjónana. Þá fyrst skaltu sauma með lokusaumavélinni svo að títuprjónarnir skemmi ekki lokusaumavélina. 11. Saumaðu stroff á hálsmálið og á ermaop eins og neðst á bol.

RkJQdWJsaXNoZXIy MjIxNzc=