53 Þegar Íslendingarnir voru komnir heim í bústað sinn fóru þeir að tala saman um hvernig þeim hafi litist á konunginn. Kjartan segir: „Svo leist mér vel á konung í fyrsta sinn er ég sá hann að hann mundi vera hinn mesti ágætismaður og hefur það haldist jafnan síðan. En miklu best leist mér á hann í dag.“ Sagðist Kjartan nú vilja taka kristni. Bolli tók vel undir það og bað Kjartan einan ráða. Þetta samtal frétti konungur, því að hann hafði alltaf njósnara í bústöðum heiðinna manna. Hann varð mjög glaður við og sagði: „Sannað hefur Kjartan nú orðskviðinn, að hátíðir eru til heilla bestar.“ orðskviður merkir málsháttur
RkJQdWJsaXNoZXIy MjIxNzc=