46 Biðjið nemendur að fletta upp á verkefni 7: Ósanngjarnar kröfur, á bls. 19 í nemendahefti. Látið nemendur nýta línurnar til að skrifa stutta frásögn um hvað gerðist og hvernig þeim leið síðast þegar einhver gerði ósanngjarnar kröfur til þeirra, eða punkta niður atriði/atburði til að rifja upp síðar. Mikilvægt er að þau kalli fram tilfinninguna um hvernig þeim leið. Gefið nemendum nokkrar mínútur til að setja frásögnina á blað. Athugið hvort einhver vilji deila sinni sögu með bekknum og leyfið nokkrum að segja frá. Á meðan við ræðum þetta viðfangsefni skuluð þið hafa í huga hvaða tilfinningar vöknuðu með ykkur þegar einhver gerði ósanngjarnar kröfur til ykkar. Ef ekki allir muna eftir atviki getur frásögn eins nemanda gefið öðrum hugmynd. Staðalmyndir og hvaðan þær koma Í þriðja hluta kennslustundarinnar er útskýrt fyrir nemendum að allir hafi ákveðnar hugmyndir um hvernig fólk eigi að haga sér í nánu sambandi og hvernig þessar hugmyndir verða til og berast um samfélagið á marga ólíka vegu. Útskýrið: Þær kröfur, sem fólk gerir til annarra, byggjast á þeim hugmyndum sem það hefur um hvernig það vill að aðrir séu og hagi sér. Fólk hefur ýmsar hugmyndir um náin sambönd. Í þessu námsefni erum við að fást við ástarsambönd en ýmislegt, sem við fjöllum um, á við um önnur sambönd líka, svo sem vináttu og samskipti við foreldra. Við höfum öll ákveðnar hugmyndir um hvernig sambönd eigi að vera. Það er eins og við séum með handrit sem við förum eftir þegar við byrjum með einhverjum. Þessar hugmyndir eða handrit eru mjög mikilvægar þar sem þær hafa áhrif á hvernig maður kemur fram við aðra í nánu sambandi og hvernig kærastan eða kærastinn kemur fram við mann. Hvaðan haldið þið að unglingar nútímans fái hugmyndir um hvernig náin sambönd eigi að vera? Skrifið svörin á töfluna. Hugsanleg svör: Úr sjónvarpinu. Úr lagatextum. Úr tónlistarmyndböndum, tímaritum, bókum, auglýsingum, bíómyndum. Hjá einhverjum í fjölskyldunni (foreldrum, systkinum, o.s.frv.), kunningjum, stofnunum samfélagsins (t.d. skóla, félagsmiðstöð). Hjá fyrirmyndum, bæði jákvæðum og neikvæðum. 3. hluti 5 mín Verkefni 7 bls. 19 í nemendahefti
RkJQdWJsaXNoZXIy MjIxNzc=