Leikir með blöðrur
Börnin geta leikið sér að blöðrum frjálst og einnig hlýtt fyrirmælum kennarans með ýmsum hætti.
Dæmi:1. Láta blöðruna svífa í loftinu með því að slá í hana með hægri og vinstri hendi til skiptis.
2. Slá í blöðruna tvisvar sinnum með vinstri hendi og tvisvar með hægri.
3. Slá í blöðruna með höndum og olnbogum til skiptis.
4. Láta blöðruna svífa í loftinu með því að slá hana með hnjám.
5. Slá í blöðruna með hnjám og fótum til skiptis.
6. Slá í blöðruna með höndum og fótum til skiptis.
7. Liggja á bakinu og slá í blöðruna með hægri og vinstri hendi til skiptis.
8. Liggja á bakinu og slá í blöðruna með fótum og höndum til skiptis.
9. Sitja uppréttur og halda blöðrunni svífandi í loftinu.
10. Standa á fætur og slá í blöðruna með höfði og höndum.
11. Kasta blöðrunni fram fyrir sig og grípa.
12. Börnin (tvö og tvö) kasta blöðru á milli sín.Með þessum æfingum kynnast börnin líkama sínum jafnframt því sem þau þjálfa fín- og grófhreyfingar sínar.
(© 2002 Gunnhildur Óskarsdóttir og Ragnheiður Hermannsdóttir)