Víkingaöld - Árin 800-1050

– 47 – LOK VÍKINGAALDAR Kóngar og kristni Í lok víkingaaldar var ýmislegt að breytast í Evrópu. Konungar lögðu undir sig stór landsvæði og gerðust einvaldar yfir þeim. Höfðingjar, sem áður höfðu átt land og ráðið ráðum sínum sameiginlega á þingum, urðu nú að lúta vilja kónga og borga þeim skatta. Sumir telja að þetta hafi átt þátt í ferðum norrænna manna, kaup- manna, víkinga og landnámsmanna. Kristni var að breiðast út norður eftir Evrópu. Hún boðaði viðhorf sem voru ólík siðum heiðinna manna. Kristninni fylgdi þekking í lestri og skrift. Til varð voldug stofnun, kirkjan, sem ákvað hvað væri rétt eða rangt. Lög voru ekki lengur rædd og samin á sérstökum þingum nágranna og samlanda eða lífsviðhorf sungin í ljóðum við helgiathafnir.