Víkingaöld - Árin 800-1050

– 36 – Hávamál (brot) Betri byrði ber enginn með sér en mikið mannvit. Vart er til verra veganesti heldur en ofdrykkja öls. Sá sem aldrei þegir oft fer með alveg staðlausa stafi . Hraðmælt tunga nema taumhald sé á með blaðri bakar sér tjón. Vini sínum skal maður vinur vera og gjalda gjöf með gjöf. Hlátur með hlátri helst skal borga en launa fals með lygi. Vini sínum skal maður vinur vera, honum og vini hans. En óvinar síns enginn skyldi vinar vinur vera. Lífsviðhorf Ljóð er hægt að læra og syngja þótt maður skilji ekki alveg textann. Þess vegna varðveittist Völuspá svo lengi. Eins er um annað langt ljóð sem heitir Hávamál. Óðinn á að hafa kveðið það. Þar segir hann fólki hvernig það eigi að haga sér. Erfitt er að átta sig á viðhorfum fólks á víkingaöld. Þau er ekki hægt að grafa upp úr rústum. En Háva- mál eru enn til og af þeim má skilja hvað fólki þótti rétt að gera og hvað rangt. Nokkur erindi úr Hávamálum Ertu sammála þeim viðhorfum og skoðunum sem Óðinn heldur fram? Hverjum ertu sammála og hverjum ekki? Hvers vegna?