Víkingaöld - Árin 800-1050

– 28 – NORRÆN SAMFÉLÖG Borgir Á Norðurlöndum bjó flest fólk í sveitum. Bændur bjuggu með húsdýr, rækt- uðu jörðina, söfnuðu og veiddu. Á víkingaöld fóru að myndast örfáar litlar borgir. Þar settust handverksmenn að og buðu þjónustu sína og kaupmenn stunduðu viðskipti á mörkuðum. Þangað voru fluttar vörur, framleiddar í ná- grenninu, og seldar fyrir hluti sem kaupmenn og víkingar komu með frá fjar- lægum slóðum. Bæirnir voru venjulega víggirtir og þeirra gætt til að verjast óvinveittum víkingum og öðrum ræningjum. Frá löndum sínum seldu norrænir menn timbur í skip, járn í áhöld og vopn, ullar- efni í klæði og þurrkaðan fisk. Frá Noregi komu líka afurðir hvala og rostunga, húðir dýranna voru notaðar í reipi og tennur í útskorna skrautmuni. Frá Svíþjóð komu loðfeldir ýmissa dýra, svo sem af björnum, úlfum, elgjum og hreindýrum sem mikið var af í Norður-Svíþjóð. Feldirnir voru notaðir í föt og ábreiður.