Víkingaöld - Árin 800-1050

– 21 – Minjar um karla og konur Á Englandi eru víða minjar frá tímum norrænna manna þar. Svæði þeirra var kallað Danalög og Jórvík (York) var höfuðborgin. Þar hafa verið gerðar fornleifarannsóknir og miklar minjar hafa fundist um líf og störf fólks á víkingaöld. Víkingar sem komu frá Noregi til Bretlandseyja stofnuðu margir fjöl- skyldu með innlendum konum. Þeir tóku sér líka þræla, ambáttir og vinnufólk. Einhverjir festu þó ekki rætur á Bretlandi enda var sífelld barátta um land og yfirráð. Þegar fréttist af stóru, ónumdu landi í norðri héldu margir til hafs á ný með konur sínar, börn og bú. Nú- tímarannsóknir sýna að meirihluti landnámskvenna á Íslandi kom frá Bretlandseyjum en meirihluti landnámskarla frá Norðurlöndum. Fólkið sem kom til Íslands frá Bretlandseyjum hafði áhrif á daglegt líf og menningu sem var að mótast. Sum íslensk nöfn eru af írskum uppruna. Mörg önnur áhrif er erfitt að meta. Kristni var almenn á Bretlandseyjum á þessum tíma. Hvaða áhrif gætu kristnar mæður og ambáttir hafa haft á fyrstu kynslóðir Íslendinga? Landnámsmenn Íslands Frá Bretlandseyjum Frá Norðurlöndum Landnámskarlar : Landnámskonur: