Víkingaöld - Árin 800-1050

– 19 – Suður-Evrópa Víkingar sigldu tvisvar inn í Miðjarðarhaf. Þá réðu Márar, menn frá Norður-Afríku, yfir Íberíuskaga og voru með voldugan her. Í fyrri ferð víkinga náðu Márar að sigrast á þeim og flæma á brott. Í seinni ferð- inni, árið 859, herjuðu víkingar víða á strendur Marokkó og Ítalíu með misjöfnum árangri. Þeir ætluðu að sigra Róm en rugluðust á borgum og réðust á borgina Lúnu á Norður-Ítalíu. Á leiðinni til baka réðust Márar á þá. Víkingar komust loks til bækistöðva sinna við ósa Leiru með þriðjung skipa sinna eftir þriggja ára leiðangur. Þeir reyndu ekki aftur að sigla inn í Miðjarðarhaf.