Víkingaöld - Árin 800-1050

– 8 – uppruni Fólkið F yrir um þrem milljónum ára hófst ísöld á Jörðinni. Þykkur jökull þakti nyrstu og syðstu hluta hennar. Ísöld fór að linna fyrir um 15 þúsund árum og henni lauk fyrir um 10 þúsund árum. Á ísöld þróuðust menn í Afríku. Þar var nútímamaður- inn kominn fram fyrir rúmlega 100 þúsund árum. Frá Afríku dreifði fólk sér um heiminn. Það var komið til Evrópu fyrir um 70 þúsund árum og bjó sunnan við jökuljaðarinn. Fyrir um 13 þúsund árum var Danmörk orðin íslaus og smátt og smátt hopaði ísinn norðar fyrir hlýnandi loftslagi. Landið greri upp , dýr eltu gróðurinn og fólk fylgdi á eftir. Fólkið sem settist að þar sem nú eru Noregur, Sví- þjóð og Danmörk er kallað norrænt. Það aðlagaðist aðstæðum þar í útliti og lífsháttum , lærði að lifa af náttúru svæðisins og veiða og safna sér til matar. Á meðan jökullinn var enn nálægur og loftslag kalt voru hreindýr mikilvægustu veiðidýrin. Fólk bjó í litlum hópum hirðingja og elti hreindýrahópana. Þegar áfram hlýnaði óx upp skógur og hreindýrin færðu sig norðar. Í skóginum voru hirtir og villisvín og alls kyns ætilegar jurtir og ber. Fólk veiddi fisk í vötnum og safnaði sér fæðu í fjörum. Fyrir um sex þúsund árum fór norræna fólkið að rækta jörðina og halda húsdýr. Land- búnaðurinn jókst sífellt. Bændur gátu framleitt meiri fæðu en veiðimenn og safnarar og fólki fjölgaði.