Verum virk

essi kaf li fjallar um sjálfsmynd og sjálfsvirðingu í víðum skilningi, hvað hefur áhrif á sjálfsmyndina og hvað einkennir hana. Fjallað er um neikvæða og já­ kvæða sjálfsmynd, mikilvægi þess að þekkja styrkleika sína og veikleika og hvernig við ef lum sjálfstraust okkar og annarra. Sjálfsmynd felst í viðhorfi hvers og eins til sjálfs sín. Sú skoðun sem við höfum á sjálfum okkur birtist í fram­ komu okkar gagnvart sjálfum okkur og öðrum. Segja má að veröldin í kringum okkur sé eins konar spegil­ mynd okkar sjálfra. Ef við erum jákvæð og ánægð sjáum við frekar það jákvæða og góða í umhverfi okkar. Ef við hins vegar erum ósátt og óánægð með okkur er okkur hætt við að sjá aðeins erfiðleika og leiðindi í kringum okkur. Sjálfsmynd okkar segir til um hversu vel við erum í stakk búin til að takast á við þær áskoranir sem mæta okkur í lífinu. Ef við viljum ná árangri og njóta velgengni verðum við að þekkja okkur sjálf, meta okkur sjálf að verðleikum og þora að vera við sjálf! Þ Sjálfsmynd og sjálfsvirðing 25