Verklegar æfingar í náttúrufræði

87 Efnabreytingar Kennarasíða – Saltvatn Markmið Nemandi á að: • skilja að sérhvert efni getur breytt um ham. • skilja hvað hamskipti fela í sér og geta gert grein fyrir hugtökunum bráðnun, storknun, uppgufun og þétting. • skilja hvað hugtökin bræðslumark og suðumark merkja. • gera sér grein fyrir að við blöndun tveggja efna geti orðið til nýtt efni með allt aðra eiginleika en upphaflegu efnin. Ábendingar fyrir kennara • Þessi tilraun hentar best sem bekkjartilraun þar sem hún tekur langan tíma. Kennari framkvæmir tilraunina en nemendur skrifa tilgátu, lýsingu og niðurstöðu þegar hún liggur fyrir. • Glasið þarf að vera á öruggum stað allan tímann. • Til að fá mettaða lausn þarf að hræra saltið kröftugleg þangað til ekki leysist meira upp og saltið fer að setjast á botninn. • Ef heitt vatn er notað er hægt að leysa meira salt upp í vatninu. • Gaman væri að prófa líka hvað gerist á diski. Útskýring Vegna þess að vatnið gufar smám saman upp mettast lausnin og saltið sest á glerið. Saltið dregur í sig raka sem stígur upp og leysir upp svolítið salt sem sest alltaf hærra upp í glasinu. Þegar saltið nær að barmi glassins fer rakinn að renna niður utan á glasinu.