við að flýta fyrir rafvæðingu, auka fjárfestingu í endurnýjanlegri orku, bæta orkunýtingu og þróa lög og reglugerðir sem styðja við sjálfbæra orkunotkun. GERVIGREIND – FRAMTÍÐIN EÐA HEIMSENDIR? Gervigreind (AI) er hönnuð til að líkja eftir mannsheilanum og getu hans til að afla sér þekkingar, leysa vandamál, túlka niðurstöður, skipuleggja og draga ályktanir. Mannkynið hefur lengi dreymt um, og á sama tíma óttast, hugmyndina um skynsamar og hugsandi vélar, en fræðasviðið var ekki nefnt gervigreind fyrr en á sjötta áratugnum. Þjónustur sem nota gervigreind eru að verða æ algengari, allt frá spjallforritum eins og ChatGPT til kortasmáforrita sem finna fljótlegustu leiðina frá a til b, og þjónusta sem safna loftslagsgögnum40. Það er enginn vafi á því að framþróun gervigreindar mun hafa djúpstæð áhrif á heiminn. En framförum fylgja einnig áhyggjur og margir óttast að misnotkun gervigreindar geti stefnt öryggi fólks í hættu, grafið undan trausti til stofnana, aukið dreifingu rangra upplýsinga og ógnað lýðræði. Á sama tíma hefur stafvæðing orðið órjúfanlegur hluti af sjálfbærri þróun og tengdum vörum (internet hlutanna); gervigreind og róbótatækni gegna lykilhlutverki í framfylgd heimsmarkmiða Sameinuðu þjóðanna um sjálfbæra þróun (SDG). Til dæmis sáum við hvernig gervigreind var notuð til að hraða þróun bóluefna á meðan heimsfaraldurinn stóð yfir. Með réttri innleiðingu getur gervigreind verið frábært tæki til að takast á við loftslagsbreytingar, meðal annars með því að stuðla að skilvirkari nýtingu auðlinda, lágmarka sóun og draga úr orkunotkun41, 42. Við þurfum einfaldlega að draga úr neikvæðum, óæskilegum afleiðingum stafrænnar þróunar og nýta stafræna tækni til að finna sjálfbærar lausnir á þeim áskorunum sem við og jörðin okkar stöndum frammi fyrir. #TÆKNI Það er enginn vafi á því að framfarir í gervigreind munu hafa djúpstæð áhrif á heiminn okkar. 51
RkJQdWJsaXNoZXIy MjIxNzc=