Útgáfudagur MMS 30. apríl 2019

3 WWW.MMS.IS STÆRÐFRÆÐI SAMFÉLAGSGREINAR BÖRN Í OKKAR HEIMI Bókaflokkurinn Börn í okkar heimi samanstendur af fjórum bókum: Fátækt og hungur, Flóttamenn og farandfólk, Fordómar og þröngsýni og Stríð í heimi. Eins og titlar bókanna bera með sér fjalla þær um málefni sem eru ofarlega á baugi um allan heim. Með útgáfunni er kennurum gert auðveldara fyrir að fjalla um þessi mál, sem oft eru viðkvæm og flókin. Fjallað er um hugtök sem reynst geta börnum framandi til að gefa skýrari mynd af viðfangsefninu. Áhersla er á skýran texta og myndmál en bækurnar prýðir mikill fjöldi teikninga. Kennsluleiðbeiningar fylgja hverri bók, opnu fyrir opnu og samanstanda af hugmyndum að umræðuefni og verkefnum. Bækurnar fjórar eru afgreiddar saman í einum pakka. Þegar kápur þeirra eru settar saman mynda þær eina heild og sýna heiminn á táknrænan hátt. EFNIÐ SAMANSTENDUR AF: fjórum grunnbókum og kennsluleiðbeiningum á vef HUGTAKASAFN Í STÆRÐFRÆÐI Hugtakasafn í stærðfræði er ætlað fyrir nemendur, kennara, foreldra og alla þá sem vilja fá góðar útskýringar á hugtökum stærðfræðinnar. Fjölmargar skýringarmyndir fylgja með hugtökunum. Heftið er 74 bls. EFNIÐ SAMANSTENDUR AF: rafbók TÖLUBOXIÐ HENNAR ÖMMU Töluboxið hennar ömmu er lestrarbók fyrir byrjendur í lestri um stærðfræðitengt viðfangsefni. Í bókinni er fjallað um flokkun . Töluboxið hennar ömmu dettur niður á gólf og tölurnar þeytast út um allt. Er hægt að koma þeim aftur í boxið með því að flokka þær? Sagan tengir stærðfræði við daglegt líf nemenda á skemmtilegan hátt. Bókin nýtist kennurum við kennslu á nýju viðfangsefni og einnig nemendum við lestrarþjálfun. EFNIÐ SAMANSTENDUR AF: nemendabók, rafbók, hljóðbók og tveimur verkefnaheftum á vef