53 Betri laun en gull og gersemar Ljósmæður jósmóðir var eitt sinn valið fegursta orð íslenskrar tungu. Ljósmóðir er móðir ljóss og lífs. Hún hjálpar barni að komast út í lífið og ljósið. Núna fæðast flest börn á Íslandi á fæðingar- deildum sjúkrahúsa. Áður fyrr þegar engin sjúkrahús voru til fæddust öll börn heima. Fyrst voru ljósmæður óskólagengnar. Þær kenndu bara hver annarri. Læknar voru þá líka óskólagengnir, þeir lærðu af lækningabókum og hver af öðrum. Árið 1760 var fyrsti menntaði landlæknirinn skipaður. Hann hét Bjarni Pálsson. Bjarni ákvað að gera kröfu um að ljósmæður fengju menntun. Hann réð danska ljósmóður til að kenna íslenskum ljósmæðrum. Upp frá því fengu ljósmæður greidd laun. Ljósmæður eru fyrstu íslensku konurnar sem unnu störf utan heimilis og fengu laun frá ríkinu. Fæðingar geta verið mjög erfiðar fyrir sumar konur og tekið langan tíma. Í gamla daga dóu margar konur við að fæða barn. Ómenntaðar ljósmæður notuðu alls konar ráð til að auðvelda fæðinguna. Stundum beittu þær nokkurs konar galdraráðum. Fólk trúði því til dæmis að svokallaður lausnarsteinn hjálpaði konum við að eignast barn. Hann var bundinn við
RkJQdWJsaXNoZXIy MjIxNzc=