Um víða veröld - Jörðin

105 Höfin MEGAVÖTT Megavatt (MW) er mælieining yfir framleiðslugetu virkjunar á orku. Búrfellsvirkjun framleiðir um 270 MW, Kárahnjúkavirkjun framleiðir um 690 MW og stærsta vatnsaflsvirkjun í heimi, Þriggja gljúfra stíflan í Kína, framleiðir um 18,2 GW. 1 GW = 1000 MW. TÚRBÍNUR Túrbína eða hverfill er aflvél sem knýr rafal sem breytir snúnings­ orkunni í raforku. Orka Á hafsbotni er víða að finna verðmæt jarðefni eins og olíu og gas. Á landgrunninu víða um heim rísa nýir borpallar á hverju ári sem hafa mikla þýðingu fyrir efnahag þjóða. Má þar nefna hin auðugu olíu- og gassvæði á botni Norðursjávar sem byrjað var að nýta seint á sjöunda áratugnum. Jarðefnaeldsneytið sem dælt er upp hefur breytt miklu fyrir efnahag og lífskjör íbúanna í þeim löndum sem ráða yfir hafsvæðinu eins og t.a.m. í Noregi. Orkan sem fæst í hafinu kemur ekki eingöngu af hafsbotninum. Að ströndummeginlandanna berast öldur sem búa yfir óhemjumikilli orku sem menn hafa í æ ríkari mæli lært að beisla. Sjávarfallaorka býr í flóð­ bylgjunni sem ferðast um úthöfin. Þegar fellur að streymir sjórinn sums staðar af miklu afli inn í flóa og firði og þegar fjarar út streymir sjórinn af miklu afli til baka. Þetta afl eða orku öldunnar hafa menn virkjað. Inn úr Ermarsundi Frakklandsmegin gengur flóinn La Rance. Þar er munur flóðs og fjöru að meðaltali um ellefu metrar. Árið 1966 reistu Frakkar þar fyrstu stífluvirkjun í heimi. Þegar fellur að streymir sjór gegnum túrbínur orkuversins sem snýr rafal sem breytir snúningsorkunni í raforku og knýr orkuverið áfram. Þegar fellur út streymir sjórinn svo aftur til baka í gegnum túrbínurnar. Orkuverið í La Rance framleiðir um 240 megavött , litlu minna en Búrfellsvirkjun. Sjávarfallaorkuverið í La Rance flóanum í Frakklandi. Ef grannt er skoðað má sjá hvar sjávarfallaorkan er virkjuð.