Um víða veröld - Heimsálfur

63 Afríka Sahara Sahara, stærsta eyðimörk í heimi, teygir sig um 5000 km frá Atlantshafi í vestri til Rauðahafs í austri. Frá norðri til suðurs spannar eyðimörkin um 1600 km. Um fimmtungur af Sahara er sandeyðimörk. Annað er klappir, grjót og saltsvæði sem hafa myndast þegar vötn hafa gufað upp. Mestur hluti Sahara er flatur og láglendur. Í eyðimörkinni eru þó nokkur stór fjallasvæði. Hitinn í Sahara getur farið yfir 50 °C á daginn og niður fyrir frostmark á nóttunni. Ástæðan er lítill raki í andrúmsloftinu. Sólin er fljót að hita jörðina á daginn og á næturnar er hitinn jafn fljótur að hverfa aftur frá jörðinni. Fáir búa í eyðimörkunum og er fasta búsetu einungis að finna í vinjum þar sem aðgangur er að vatni. Þar þrífast einnig harðgerðir runnar og pálmatré. Mörg lítil þjóðarbrot búa í vinjum eyðimarkanna. Í vinjumSahara búameðal annarra Bedúínar og Túaregar. Túaregar áttu upphaflega heimkynni í Túnis, en voru hraktir á brott þaðan út í eyðimörkina af Aröbum á 8. öld.

RkJQdWJsaXNoZXIy MjIxNzc=