145 Eyjaálfa Umhverfismál Vegna þess að margar Kyrrahafseyjanna eru lágar og litlar er búseta þar sérstaklega viðkvæm gagnvart þeirri umhverfisvá semmannkyninu kann að stafa hvað mest ógn af í nánustu framtíð: Hækkun á yfirborði sjávar. Hin smáu eyríki í Kyrrahafi hafa þó ekki verið þátttakendur í því ferli sem stærstu iðnríki kunna að hafa komið af stað, en gætu þess í stað þurft að taka á sig skellinn af meiri þunga en önnur ríki. Stærstu iðnríki heims hafa einnig ákveðið að stunda kjarnorkutilraunir víðs fjarri skarkala heimsins og valið til þess lítil samfélög á smáum Kyrrahafseyjum. 1. Eldfjallaeyja rís úr hafi. 2. Umhverfis eyjuna myndast kóralrif. 3. Eyjan sígur saman og eyðist af völdum sjávargangs. 4. Eftir stendur kóralrif umhverfis sjávarlón. Hér má átta sig á af hverju margar eyjanna líta út eins og raun ber vitni.
RkJQdWJsaXNoZXIy MjIxNzc=