TX-10 ÞAÐ ER ÉG
TX-10 ÞAÐ ER ÉG ISBN 978-9979-0-2549-8 © 2005 Andrés Indriðason © 2005 myndir Brian Pilkington Ritstjóri: Sylvía Guðmundsdóttir 1. útgáfa 2005 önnur prentun 2024 Menntamálastofnun Kópavogi Útlit og umbrot: Námsgagnastofnun Prentun: Litróf ehf. – umhverfisvottuð prentsmiðja 1 2 3 4 5 Þessi bók er í 3. flokki samkvæmt þyngdarflokkun Menntamálastofnunar.
Þetta er Bára vinkona mín. Hún er í tölvuleik. Ég sé Báru á hvolfi því að hún lætur mig standa á höndum inni í tölvunni. Ég heiti TX-10. Ég er tölvuvera. 1 Af hverju er Bára á hvolfi?
Bára lætur mig oft standa á höndum. Hún lætur mig líka hoppa og hoppa. Hún kann leikinn ekki nógu vel. 2 Hvað lætur Bára TX-10 gera?
Ég er hetjan í þessum tölvuleik. Ég er klár og kann að gera allt! En Bára lætur mig alltaf gera það sama. 3
Ég ætla að sýna Báru hvað hægt er að gera. Ég ætla líka að segja henni að ég vilji stundum fá frí. Hún á ekki alltaf að vera í tölvuleik. – Má ég koma til þín? segi ég við Báru. – Ha, segir Bára. Getur þú það? 4
– Já, já! En þú mátt ekki segja neinum frá því. 5 Af hverju vill TX-10 fá frí?
Ég hoppa út úr tölvunni. – Þú átt ekki alltaf að vera í tölvunni, segi ég. 6 Hvað segir TX-10 við Báru?
Nú er Bára hissa. Hún gónir bara á mig. – Þú átt að hoppa og hreyfa þig, segi ég. 7 Af hverju er Bára hissa?
8
Ég hoppa upp á tölvuna. Þá sér Bára mig betur. – Ég hélt að þú værir svo stór, segir Bára. En þú ert pínulítil vera. – Ég er stór í tölvunni, segi ég. Nú ætla ég að sýna þér allt sem ég get gert. 9 Hvernig hélt Bára að TX-10 væri?
Ég get ekki sagt meira því að nú kemur mamma Báru inn. Ég fel mig bak við tölvuna. – Bára mín, segir mamma hennar. Viltu fara út í búð og kaupa mjólk og skyr? Hér er buddan. 10 Hvað sagði mamma við Báru?
11
Þegar mamma Báru er farin hoppa ég til hennar. – Ég ætla að fara með þér. segi ég við hana. – Það er gaman, segir hún. 12
Bára setur mig í vasann. Þar fer vel um mig. En ég sé ekki neitt. Það er svo dimmt. 13 Af hverju sá TX-10 ekki neitt?
Í búðinni kíki ég upp úr vasanum. Nú er ég hissa! Af hverju er Bára með körfu? Ég hoppa ofan í körfuna hennar Báru. Ég fel mig bak við dós með skyri. 14 Hvar faldi TX-10 sig?
15
Ég hoppa upp þegar Bára tekur skyrið úr körfunni. 16
Hvað er konan að taka frá Báru? Og hvaða kassi er þetta? Æ æ æ æ æ æ æ æ! Allt er svart. Ég hoppaði ofan í skúffu í stóra kassanum til að ná í það sem konan tók af Báru. En þá lokaði konan skúffunni. 17 Af hverju var allt svart?
Svo verður aftur bjart. Ég er í skúffunni. Ég stend á því sem konan tók. En hvar er Bára? 18
Ég sé ekki Báru. Konan setur eitthvað aftur í skúffuna. Ofan á mig. Það er bréf. 19 Hvað setti konan ofan á TX-10?
Ég hoppa upp. Ég hoppa upp á kassann. Enginn má sjá mig. Ég sé ekki Báru. Hvað á ég að gera? Ég fer út úr búðinni. Bára er að leita að mér. Ég hoppa upp á hana. – Hvar varstu? segir Bára. – Æ, ég datt bara ofan í skúffu, segi ég. 20 Hvert hoppaði TX-10?
21
Það er gott að vera komin heim aftur. Ég er bara tölvuvera. Ég kann ekki á neitt sem er fyrir utan tölvuna. 22 Af hverju fannst TX-10 gott að koma heim?
– Bára, nú mátt þú koma inn til mín, segi ég. – Inn í tölvuna? segir Bára. Ég er allt of stór. – Ég geri þig bara litla, segi ég og fer að hlæja því að hún er svo hissa. 23
Ég fer út úr tölvunni og Bára fer inn í hana. Ég læt Báru hoppa og hoppa. – Hættu nú, hættu nú! segir hún. Ég held að Bára skilji nú að tölvuverur þurfa stundum að hvíla sig – og krakkar að hreyfa sig. 24 Af hverju þurfa krakkar að hreyfa sig?
TIL KENNARA OG FORELDRA Í Smábókaflokki Menntamálastofnunar er reynt að höfða til ólíkra áhugasviða barna með texta sem er innihaldsríkur þrátt fyrir einfalda framsetningu. Bækurnar eru ríkulega myndskreyttar og lögð áhersla á að þær höfði bæði til tilfinninga og rökhugsunar og ekki síst kímnigáfu lesenda. Á mms.is má finna verkefni til útprentunar. Öll verkefni í flokki Smábóka má einnig nálgast á Smábók – safnvefur. UMRÆÐUR HEIMA OG Í SKÓLA Tölvunotkun. Nota pabbi og mamma tölvur í vinnunni? En heima? Eru systkini á heimilinu? Hvernig nota þau tölvuna? En þú? Tölvuleikir. Hvernig tölvuleiki mynduð þið vilja búa til ef þið gætuð? Spennuleiki, fyndna leiki, ráðgátur eða eitthvað allt annað? Af hverju? Hvað eyðið þið miklum tíma í að spila tölvuleiki? Uppáhaldsleikir? Hreyfileikir. Hvers vegna þurfa allir að hreyfa sig? Hvaða leiki þekkið þið sem krefjast útiveru og hreyfingar? Í bókinni Líf og leikur 1 má finna ýmis skemmtileg verkefni. SÖGUSVIÐ. Hver er það sem segir söguna í bókinni? Hvernig væri sagan öðruvísi ef Bára segði hana? MYNDVINNSLA OG MYNDSKOÐUN Myndasaga. Barnið teiknar myndir sem sýna framvindu tölvuleiks sem það þekkir eða ímyndar sér. Huga þarf að upphafi, miðju og endi. Myndir má teikna með penna á blöð í A5 stærð og raða saman á vegg eða í bók. Hreyfimyndabók. Gerð hennar krefst nokkurrar nákvæmni en er býsna skemmtileg. Einföld teikning í „Óla prik“ stíl er teiknuð á hvert blað þannig að staða hennar breytist ofurlítið frá einni mynd til annarrar. Blöðin eru heft saman í litla bók, þegar þeim er flett hratt sýnist myndin hreyfast. Myndskoðun. Sagan gefur tilefni til að ræða um stærðir í myndum. Engin leið er að segja til um hvort myndefni er lítið eða stórt nema við höfum samanburð við eitthvað annað. Gaman er að skoða hvernig fjarlægð breytir stærðarhlutföllum í mynd. FJÖLMENNING Framandi umhverfi. Tölvuveran þekkir ekki umhverfi Báru og kann ekki á neitt þar þótt hún ráði við flest allt í sínu eigin umhverfi. Hvernig skyldi Báru vegna inni í tölvunni? Kann hún á allt þar? Hvernig líður okkur ef við komum á stað þar sem allt er nýtt og ókunnuglegt?
TX-10 ÞAÐ ER ÉG Nú var Bára hissa. Tölvuveran TX-10 kom út úr tölvunni hennar! Lestu bókina. Þá veistu hvað gerist. Höfundur er Andrés Indriðason. Myndhöfundur er Brian Pilkington. 40290
RkJQdWJsaXNoZXIy MjIxNzc=