37 Momo (ferskjan) Nú er Momo stór stúlka og man ekkert af þessari sögu. En hvað sem því líður, þá var þetta ekki bara í fyrsta sinn sem hún gekk með regnhlíf. Þetta var líka í fyrsta sinn á ævinni sem hún gekk einsömul – án þess að halda í höndina á pabba eða mömmu. Taro Yashima – Þorsteinn frá Hamri þýddi Hæka (Nemendabók bls. 24) Haíkú (hæka) og tanka eru forn japönsk ljóðform. Ljóðin eru órímuð og án háttbundinnar hrynjandi. Tanka hefur fimm braglínur með ákveðnum atkvæðafjölda í hverri línu (5–7–5–7–7). Hnitmiðuð orðlist tönkunnar hafði áhrif á vestræn ljóðskáld á 20. öld. Hæka er í raun tanka sem af hafa verið felldar tvær síðustu línurnar. Hún hefur þrjár braglínur með ákveðinni atkvæðatölu í hverri (5–7–5). Hefðbundnar hækur lýsa yfirleitt einhverri árstíðanna fjögurra, vori, sumri, hausti eða vetri. Hæka Spegilslétt vatnið fiskur rýfur kyrrðina kvöld seint í júlí Ókunnugur höfundur Hér er lagt til að nemendur semji sínar eigin hækur, ýmist einstaklingsbundið eða í samvinnu við aðra.
RkJQdWJsaXNoZXIy MjIxNzc=