33 Kibir jíhún besemæ Kibir jíhún bemidir Kibir jíhún lexíapíer Kibir jíhún Amen! (x2) Kibir jíhún kibir Le Geta kibir Le Jesús kibir Besemæ bemidir (Eþíópískt þjóðlag) Þýðing: Dýrð sé á himni! Dýrð sé á jörðu! Dýrð sé Guði! Sé dýrð, amen! Dýrð sé já dýrð! Dýrð sé Drottni! Dýrð sé Jesú! Á himni, á jörðu (Þýtt úr amharísku: Guðlaugur Gunnarsson) • Spilið sönginn Kibir jíhún af diski fyrir nemendur. • Kennið lagið skref fyrir skref. Gott er að byrja á því að fara yfir textann, kenna síðan laglínuna í litlum bútum og bæta svo klappinu við. • Þegar nemendur hafa lært lagið og klappið, bætið þá trommu við. Kennari getur spilað á djembei trommu, rytmann sem gefinn er upp í hljóðfæraútsetningunni (hægri höndin spilar þá það sem skráð er í efri línunni og sú vinstri neðri línuna). Einnig er djembei undirleikurinn í hlustunardæmunum og hægt að nota hann frekar ef vill. • Þegar nemendur eru orðnir vanir rytmanum er þeim skipt í hópa þar sem einn hópur syngur, annar spilar á bongo og /eða djembei trommu og þriðji á conga (hópastærðin fer eftir fjölda hljóðfæra sem til eru, e.t.v. spila aðeins 4–5 nemendur á trommur á meðan hinir syngja). Það sem er skráð klapp á nótunum má líka gjarnan prófa að spila á stafi eða önnur rytmahljóðfæri. • Til viðbótar (ef aðstæður leyfa) má svo láta nemendur spreyta sig á því að spila laglínuna á svörtu nótunum á píanóinu.
RkJQdWJsaXNoZXIy MjIxNzc=