32 Kroppaklapp Mbende • Byrjið á að spila fyrir nemendur lagið Mbende. Hvað skyldu þetta vera mörg hljóðfæri? Hversu margar trommur? Er líka klappað? Hér eru í gangi margir ólíkir rytmar sem hljóma skemmtilega saman. Svona rytmasamhljóm er hægt að búa til með því að nota líkamann sem hljóðfæri. • Nemendur setjast í hring á gólfinu. • Kennari notar líkamann og slær rytma í 4/4 t.d. með því að klappa, slá á bringuna, slá á læri, slá á kinnar, skella í góm, eða smella fingrum. • Nemendur fylgjast með og fylgja svo kennara/stjórnanda. • Eftir stutta stund skiptir stjórnandinn um rytma og nemendur fylgja. • Skiptið nú nemendum í tvo hópa. Helmingurinn klappar í tvískiptum takti (t.d. með því að slá á læri og klappa til skiptis). • Hinn helmingurinn klappar í þrískiptum takti (t.d. klapp, slá á læri og skella í góm). Kibir jíhún (Nemendabók, bls. 18–19) Kibir jíhún er söngur sem gjarnan er sunginn af sunnudagaskólabörnum víða um Eþíópíu. Eþíópísk tónlist sker sig frá tónlist annarra landa sunnan Sahara að því leyti að hún er pentatónísk og því að mörgu leyti líkari tónlist landanna í norðurhluta Afríku og Arabíu. Í Eþíópíu búa á bilinu 80–90 þjóðflokkar sem hver hefur sína eigin menningu og tungumál. Eþíópía er annað tveggja Afríkulanda sem aldrei hefur verið nýlenda, hitt er Líbería, og því er enskukunnátta ekki almenn. Ríkismálið er tungumál Amharanna, gömlu yfirstéttarinnar og kallast amharíska. Amharíska er í sömu tungumálaætt og hebreska og arabíska og letrið sem notað er kallast „fídelar“ Söngurinn Kibir jíhún er á amharísku en hér skrifað með íslenskum bókstöfum eins nálægt framburði og unnt er. Kibir jíhún sungið með trommuundirleik og klappi Kibir jíhún taktur leikinn á djembei trommu
RkJQdWJsaXNoZXIy MjIxNzc=