Töfraskinna

77 CUT TO: 72 EXT. SKÓGUR - KVÖLD 72 Við sjáum skuggamynd Hildar ganga inn í lítinn skógarlund þar sem persónur meðspilara hennar sitja við snarkandi eldstó. HILDUR Ókei, hvað er að ske? PERSÓNURNAR birtast um leið og við heyrum viðeigandi kynningu. Tunglskinið sveipar þau ævintýraljóma. Hetjutónlistin er alveg að ganga af göflunum. BETA/INIGO Ég er Inigo Montoya ... ég er stríðsmaður af ætt dverga... DAGUR/PLAYMOLAS Ég er Playmolas, ég er álfur og sagnaþulur... SCAT/KJARTAN Ég er Kjartan, ég er galdrakarl... Hildur stendur á móti þeim, hún er klædd í minileðurbikini sem skilur ekki mikið eftir fyrir ímyndunaraflið og hún er orðinn ljóshærð aftur. HILDUR Ég er Hildur og ég neita að líta svona út! Tónlistin snarstoppar eins og nál sé rykkt af plötu. CUT BACK TO: 73 INT. HEIMILI DAGS 73 ALLIR líta á Hildi, sem lyftir upp blaðinu sínu og sýnir þeim myndina. SCAT Mér finnst þú bara líta vel út. Hildur hvessir augun. CUT BACK TO: merkir að klippt sé aftur yfir á atriði eða sögusvið sem áður hefur verið sýnt. Í þessu tilviki er klippt frá ævintýra­ heiminum aftur yfir í heimili Dags.