Töfraskinna

46 4. Þú ert blaðamaður Spámannstíðinda, dagblaðs í galdraheimi Harry Potter-bókanna. Skrifaðu frétt um innrás tröllsins. a) Lýstu atburðarásinni með þínum eigin orðum. Hafðu eftirfarandi í huga: Mundu að draga fram aðalatriðin með því að hafa spurnarorð í huga, til dæmis:. Hver? Hvar? Hvenær? Hvað gerðist? Hvers vegna? Hvers konar tröll er um að ræða? Hvers vegna voru svona margir á ferli í Hogwarts-skóla þegar tröllið réðst inn? Var eitthvert sérstakt tilefni þann dag? Hverjir yfirbugðu tröllið? Úr hvaða heimavist koma þeir? Taktu ímyndað viðtal við einhvern sem var á staðnum. b) Skrifaðu grípandi fyrirsögn sem fær lesendur til að lesa fréttina þína. 5. Harry, Ron og Hermione verða vinir eftir atvikið á klósettinu. a) Hvers vegna? b) Hvað haldið þið að þau hafi lært um hvert annað? c) Hvað er vinátta?