Þriðji Smellur

4 Ólíkir lestextar Vissir þú að við lesum ekki alla texta eins? Við lesum fræðitexta ekki á sama hátt og við lesum bókmenntatexta. Og við lesum leiðbeiningar ekki á sama hátt og fréttir. Í hvert sinn sem við lesum vinnum við úr upplýsingum sem við fáum úr textanum. Og upplýsingarnar eru mjög mismunandi. Eina stundina erum við að safna fróðleiksmolum en aðra að drekka í okkur góða sögu. Upplýsingar gefa okkur vitneskju um hitt og þetta. Dæmi: Hvaða myndir eru í bíó? Hvenær kemur strætó? Hvert er gott að ferðast? Hvar er best að leita að einhverju? Hvað er til sölu? Hér er mikilvægt að nota leitarlestur og skanna textann þar til þú finnur það sem þú leitar að. Fréttatexti gefur okkur upplýsingar um mikilvæg málefni, áhugaverða atburði og það sem er að gerast í kringum okkur hverju sinni. Fyrirsagnir veita vísbendingar um innihald og efni fréttar- innar. Mikilvægt er að lesa vel fyrirsagnir og myndatexta til að fá gott yfirlit yfir efni fréttarinnar áður en fréttin sjálf er lesin. Leiðbeiningar útskýra hvernig á að gera eða búa eitthvað til. Þær geta verið bæði skriflegar, munnlegar og myndrænar. Hér þarf að beita nákvæmni í lestri. Taka vel eftir öllu sem þú lest, fylgja textanum í tímaröð og vera viss um að skilja fyrirmælin. Fræðitexti: Fróðleikur um allt milli himins og jarðar. Fræðitextinn getur átt við hvað sem er t.d. tækni, vísindi, hluti, dýr, fólk og tímabil. Fræðitexti kallar á nákvæmnislestur, að finna lykilorð, að gera hugtakakort og að nýta sér lestrar- aðferðina forlestur, lestur og eftirlestur.