Heimur í hendi - Sveitin

29 10. Er mikilvægt að búseta sé í sveitum landsins? Ræðið saman. 11. Hvað er lífrænn landbúnaður? Ræðið saman. 12. Hvað finnst þér sérstakt við íslenskar sveitir? Ræðið saman. 13. Finndu frásögn af húsdýri á netinu eða í bók. Lestu frásögnina og skrifaðu stutta endursögn. Teiknaðu mynd af aðalpersónunni. 14. Farðu inn á www.rml.is. Veldu hlekkinn BÚFJÁRRÆKT, > Sauð-fjárrækt > Kynbætur > Hrútaskrá > Hrútaskrá 2016-2017. Veldu þér hrút sem þú telur vera góðan til undaneldis. Skráðu nafn hans og nafn bæjar sem hann er frá. Lýstu útliti hrútsins og helstu eiginleikum hans. Rökstyddu af hverju þú valdir þennan hrút. 15. Kynntu þér hvar og hvenær Heimsmeistaramót íslenska hestsins er haldið næst. Skrifaðu stutta greinargerð. 16. Teiknaðu mynd af húsdýri og litaðu það. Gefðu dýrinu nafn t.d. eftir lit eða skapgerð og rökstyddu hvers vegna þú valdir það nafn. 17. Leitið að uppskrift á netinu úr afurðum frá íslenslum landbúnaði. Búið til uppskriftabók bekkjarins. 18. Segðu frá atriði í bókinni sem kom þér á óvart. 19. Þú færð tilboð um að gerast bóndi. Hvers konar búskap værir þú með? Hvar á landinu býrðu? Skrifaðu sögu um bóndann í þér.