Styrjaldir og kreppa

b Nú eiga 192 ríki aðild að Sameinuðu þjóðunum. Það eru næstum öll ríki í heimi. Stofnunin vinnur að því að viðhalda friði og bæta lífskjör fólks um allan heim. Matr9_Hist_6.40 Berlín Bandaríkin Bretland Frakkland Sovétríkin Tími uppgjörsins STYRJALDIR OG KREPPA : Stríðið sem kom við alla 135 Eftir stríðið var Þýskalandi skipt í fjögur hernámssvæði. Í febrúar 1945 hittust þeir í bænum Jalta við Svartahaf Bandaríkjaforseti, Franklin D. Roosevelt, forsætisráðherra Breta, Winston Churchill, og leiðtogi Sovétríkjanna, Jósep Stalín. Þeir voru voldugustu menn bandamanna og þeir vissu að það var bara spurning um tíma að vinna sigur á Þjóðverjum og Japönum. Nú héldu þeir fund til að koma sér saman um hvernig ætti að byggja Evrópu upp eftir stríðið. Klofið Þýskaland og klofin Evrópa Þeir urðu sammála um að skipta Þýskalandi og Austurríki í fjögur hernámssvæði. Hverju svæði skyldi stjórnað af einu ríki sigurvegara, Bandaríkjunum, Sovétríkjunum, Bretlandi og Frakklandi. Þótt stórveldin væru sameinuð gegn Þjóðverjum greindi þau á um margt. Sovétríkin voru einvaldsríki kommúnista en í vestrænu ríkjunum ríkti lýðræði. Sovétherinn réð yfir stórum hlutum Austur-Evrópu og Roosevelt og Churchill óttuðust að Stalín mundi tryggja að kommúnistar kæmust til valda í þessum löndum. Þeir fengu hann því til að lofa að haldnar yrðu frjálsar kosningar í þeim eftir stríðið. En við þau loforð var illa staðið þegar stríðinu var lokið. Flest lönd Austur-Evrópu komust undir stjórn kommúnistaflokka sem voru að miklu leyti undir stjórn Sovétríkjanna. Það var því ekki aðeins Þýskaland sem var klofið eftir stríðið; öll Evrópa var klofin. Ný alheimssamtök Stalín, Roosevelt og Churchill tóku aðra mikilvæga ákvörðun í Jalta. Stofnuð skyldu ný alþjóðasamtök til að vinna að því að viðhalda friði í heiminum. Þessi nýju samtök fengu nafnið Sameinuðu þjóðirnar og voru stofnuð 24. október 1945 með 51 aðildarríki. Síðan hafa fleiri ríki gengið í samtökin; nú eru þar flest ríki í heimi. Norðmaðurinn Trygve Lie varð fyrsti framkvæmdastjóri samtakanna.