Styrjaldir og kreppa

að borðstokknum stóð skipið næstum því upp á endann. Eftir dálitla stund byrjaði fólk að fara út í bátana. Olaus, Sigurd og Peter fylgdu mér að bátnum. Hugsið ykkur hvað það var sárt þegar ég var látin fara í bátinn en þeir urðu eftir. [...] Þegar við vorum komin smáspöl frá skipinu sáum við hvernig það byrjaði að sökkva. Síðast heyrðum við hræðilegan brest og Titanic sökk með meira en 2.000 manneskjum. Um leið og það sökk heyrðist hræðilegt óp. Æ, ef þið hefðuð heyrt það. Ég kem aldrei á ævi minni til með að gleyma því. Ég hélt ég mundi missa vitið, þau æptu svo ógurlega. Hugsið ykkur, svona margt fólk æpa á hjálp en enginn er til að hjálpa því. Titanic sökk á miklu dýpi. Það var ekki fyrr en áratugum síðar að skipsflakið fannst með hjálp nýrrar köfunartækni. Árið 1985 tókst hópi rannsóknarmanna undir forystu Roberts D. Ballard að finna skipið. Hverjir komust af? Titanic hafði ekki nógu marga björgunarbáta handa öllum farþegunum. Það er ein af orsökum þess að svo margir fórust. Eftir slysið voru skipaðar rannsóknarnefndir bæði í Bretlandi og Bandaríkjunum til að komast að því hvað hefði gerst. Tölurnar hér fyrir neðan eru í skýrslu bresku rannsóknarnefndarinnar: a STYRJALDIR OG KREPPA : Titanic - samfélag í smækkaðri mynd 9 Fólk um borð Samtals Lifðu af Farþegar á fyrsta farrými 325 203 Farþegar á öðru farrými 285 118 Farþegar á þriðja farrými 706 178 Í áhöfn 885 212 Samtals 2.201 711