Stöngin inn

30 Að lesa leikinn vel: Að hafa góða yfirsýn á gangi leiksins og geta áttað sig á því hvað gerist næst. Að eiga undir högg að sækja: Að eiga í erfiðleikum með að ná markmiðum sínum. Að slá ryki í augu einhvers: Að blekkja einhvern, að segja ekki allan sannleikann. Að vera gulls ígildi: Að vera jafn mikils virði og gull, eitthvað sem er mjög mikilvægt. Með tilþrifum: Með glæsibrag. Leifturhraði: Mikill hraði. (Leiftur er ljósglampi, t.d. á flassi og eldingu). Að ósekju: ósekur er sá sem er ekki sekur. Að dæma einhvern að ósekju merkir því að dæma einhvern fyrir það sem hann gerði ekki. Hátterni: Hegðun. Loddaraskapur: Loddari er svikari eða trúður, loddaraskapur er svik eða trúðslæti. Vælukjói: Grenjuskjóða, sá sem vælir yfir litlu. (Fuglinn Kjói gefur frá sér langdreginn vælutón.) Að vera á fullum skólastyrk: Nemendur í háskólum í Bandaríkjunum þurfa að borga mjög há skólagjöld. Sá sem er mjög góður íþróttamaður fær stundum styrk fyrir skólagjöldunum og lofar að keppa í staðinn með skólaliðinu í íþrótt sinni. Sá sem fær boð um að vera á fullum skólastyrk þarf ekki að borga skólagjöld. Samviskusemi: Svíkjast ekki undan því sem á að gera. Vallarskilyrði: Ástand og útlit knattspyrnuvallarins. Er völlurinn blautur, þurr, tættur? Það er betra að falla með sæmd en sigra með svikum: Það er betra að gera sitt besta og haga sér vel á vellinum þó að maður tapi, heldur en að sigra með því að svindla og vera með leiðindi. 14 13 15 19 20