Stöngin inn

24 Verkefni 1. Átt þú uppáhalds knattspyrnumann eða knattspyrnukonu? Af hverju er hann/hún í uppáhaldi hjá þér? Skrifaðu stutta frásögn um hann/hana. 2. Lestu um knattspyrnuleik í dagblaði. Hvað fannst þér athyglisverðast við lýsinguna? 3. Ræddu við einhvern sem heldur með öðru knattspyrnuliði en þú. Hverjir eru styrkleikar þíns liðs? Hverjir eru styrkleikar liðs viðmælanda þíns? Er hægt að segja með fullri vissu hvort liðið sé betra? 4. Taktu viðtal við einhvern fullorðinn sem hefur æft knattspyrnu. Aflaðu upplýsinga um breytingar á íþróttinni og iðkun hennar frá því sem nú er. 5. Skrifaðu stutta lýsingu á hluta af knattspyrnuleik sem að þú hefur séð eða tekið þátt í. Það má gjarnan vera eitthvað skrítið eða skemmtilegt! 6. Skrifaðu niður nokkrar málsgreinar um bókina. Það gæti til dæmis verið um eitthvað sem þú lærðir nýtt, fannst skemmilegt, áhugavert, undarlegt eða leiðinlegt. 7. Skrifaðu upp 5–10 orð í bókinni sem þú skilur ekki. Finndu þýðingu þeirra í orðabók eða orðskýringum hér aftar. 8. Hvernig var leikurinn zu qiu? Aflaðu þér upplýsinga um leikinn á netinu. 9. Skrifaðu upp tvær setningar í bókinni sem þú skilur ekki alveg. Fáðu hjálp til að finna merkingu þeirra. 10. Veldu þrjá texta sem eru í ramma. Skrifaðu eina setningu sem lýsir aðalatriðum textans. Spurnarorð eins og: hver, hvað, hvar, hvenær og af hverju gætu hjálpað þér við finna það sem skiptir máli.