Stöngin inn

10 Félögin Sá nágrannarígur sem myndaðist í árdaga knattspyrnu-iðkunar á Englandi hefur haldist alla tíð. Flestir ungir iðkendur æfa íþróttina með knattspyrnudeild í sinni heimabyggð og eru stuðningsmenn félagsins, fylgja því í gegnum súrt og sætt. Margir eiga eftirlætislið í öðrum löndum, til dæmis á Englandi. Margir Íslendingar halda með Arsenal, Chelsea, Liverpool eða Manchester United. Flest íslensk íþróttafélög og ungmennafélög hafa knattspyrnudeildir. Þær skiptast í meistaraflokk karla og kvenna og síðan yngri flokka. Knattspyrnudeildinni stýrir stjórn en þjálfararnir bera ábyrgð á þjálfun leikmanna. Yngri leikmenn og foreldrar þeirra eru þannig hluti af stórri heild sem saman myndar félagið. Erlendis eru stóru knattspyrnufélögin rekin eins og fyrirtæki. Sum félög eru í einkaeigu en önnur eru hlutafélög. Félögin fá tekjur af aðgangseyri, sölu minjagripa, keppnisbúninga og veitinga, samningum við styrktaraðila og sum félög fá miklar tekjur af sjónvarpssamningum. Leikmennirnir ellefu sem skipa byrjunarliðið hverju sinni eru aðeins lítið brot af þeirri heild sem knattspyrnufélagið er. Leikmenn eru ekki alltaf leikhæfir ýmist vegna meiðsla eða leikbanna og því skiptir máli að Heldur þú með erlendu félagsliði? Af hverju ákvaðstu að halda með því félagi? Hvernig sýnir þú stuðning þinn? Halda félagar þínir og foreldrar með erlendum félagsliðum? Hvað býr að baki þessum stuðningi? ?