Sófus og svínið

23 Mona Lisa er olíumálverk eftir ítalska listmálarann Leonardo da Vinci (1452–1519). Það er eitt þekktasta málverk allra tíma. Auk þess að vera málari var Leonardo da Vinci einnig mikill uppfinningamaður og reyndi m.a. að hanna flugvélar og skriðdreka. Þetta er sjálfsmynd eftir hollenska listmálarann Rembrandt van Rijn (1606–1669). Rembrandt er þekktur fyrir andlitsmyndir sínar og sérstaklega sjálfsmyndirnar sem sýna okkur hvernig hann leit út á ólíkum æviskeiðum. Myndir hans þykja sýna sérstaklega vel sterkar andstæður ljóss og skugga. Stúlka með perlueyrnalokk er olíumálerk eftir hollenska listmálarann Johannes Vermeer (1632–1675). Hann málaði mest fólk sem hann lét stilla sér upp á vinnustofu sinni í ýmsum hlutverkum en myndefnið sýndi gjarnan lífið innan veggja heimilisins. Þetta er sjálfsmynd eftir hollenska listmálarann Vincent van Gogh (1853–1890). Hann málaði myndir í sterkum litum og með kraft- miklum pensilstrokum. Mörg verk hans eru máluð í Suður-Frakklandi. Verk hans flokkast undir þá listastefnu sem kallast síð-impressionismi.