Snorra saga

var ekki aldeilis á sömu skoðun eftir að hann var orðinn biskup. Hann fór sínu fram og barðist fyrir rétti kirkjunnar gegn höfð­ ingjaveldinu, rétt eins og Þorlákur helgi hafði áður reynt fyrir sunnan. Höfðingjarnir flæmdu hann burt og beittu hann ýmsu harð­ ræði en Guðmundur beitti bannfæringarvopninu óspart á móti. Loks var hann hrakinn út í Grímsey, síðan handtekinn og sendur til Noregs, en þar fór hann strax og gerði erkibiskupi grein fyrir yfirgangi höfðingjanna. Sighvatur og Sturla þóttu hafa komið svo illa fram við Guðmund biskup að erkibiskup í Noregi stefndi þeim feðgum utan. Sturla bjóst til farar, kom fyrst við í Noregi og Danmörku og gekk fyrir konunga, en lét svo ekki staðar numið fyrr en í Rómaborg þar sem hann var leiddur berfættur fyrir dyr allra kirkna. Þannig tókst Sturlu að afla sér fyrirgefningar synda. 48