Snorra saga

hinni Veigunni, Hallveigu Ormsdóttur. Kannski var hún ekki alveg eins sæt og Sólveig, en hún var ennþá ríkari. Hallveig var nefnilega ríkasta kona landsins og nýlega orðin ekkja. Snorri gerði við hana helmingafélag, einskonar hjónaband, og hún flutti til hans í Reykholt og með henni tveir synir hennar, Ormur og Klængur. Björn heitinn faðir þeirra var af ætt Haukdæla, bróðir Gissurar Þorvaldssonar. Þar með var Snorri óvéfengjanlega orðinn ríkasti og voldugasti höfðingi landsins. Hann sat nú í friði í Reykholti og var duglegur að skrifa. Hann vann af kappi að sögusafni sínu um Noregs­ konunga sem síðar var kallað Heimskringla. Hann samdi líka kennslubók í skáldskap sem hann kallaði Eddu. Hallveig reyndist honum góð kona. Snorri var líka ánægður með hana. Þeim samdi vel og þau áttu mörg góð ár saman áður en síga tók á ógæfuhliðina. 45