Smátímasögur - Fyrir þig

5 LAKKRís eða Glæpur og refsing Gunnar Helgason Byggt á raunverulegum atburðum sem gerðust þann 17. desember árið 1977. Í alvörunni. HEFST ÞÁ SAGAN Komið þið sæl. Ég heiti Silja og ég ætla að segja ykkur litla dæmisögu sem gerðist um síðustu jól. Eða sko, 17. desember, til að vera nákvæm. Þetta er lítil saga um það hvernig ég eignaðist minn fyrsta kærasta. Já, og kannski smá um það að maður á ekki að stela. En allavega, jólin voru að koma. Ég elska jólin mest af öllu í heiminum. Skólinn er aldrei skemmtilegri og allir eru alltaf í svo góðu skapi. Næstmest elska ég lakkrís. Mamma kaupir alltof sjaldan lakkrís. Það þýðir að hún kaupir hann aldrei! Hún segir að lakkrís sé það óhollasta í öllum heiminum. Ég er algerlega ósammála. Og pabbi líka. Pabbi kaupir nefnilega stundum lakkrís og ég veit hvar hann felur hann. Fyrir hver jól kaupir hann heilt kíló sem hann felur í sokkaskúffunni sinni og tekur svo fram eftir matinn á aðfangadag og á hverju ári er hann jafnhissa á að sjá að það er búið að borða töluvert magn