Smátímasögur - Fyrir þig

17 þegar ungt fólk verður ástfangið. Ég fann það og ég fann að hann fann það: hann var ást lífs míns. Þá kom prumpuþrenna. Eitt stutt, eitt langt og svo eitt stutt aftur. Ég mjakaði mér eins langt frá Baldri og ég gat. Hann varð mjög hissa. Við hliðina á stólnum mínum var blómakassi sem var sem betur fór tómur. Handan við hann var gluggakistan. Önnur rass- kinnin á mér var komin á blómakassann þegar hinir elskulegu skólafélagar mínir fóru að finna lyktina af þrennunni. Ég sá þegar það rann upp fyrir Baldri hver var uppsprettan að lyktinni. Hann greip skyndilega fyrir nefið. Mér til hryll- ings stóð hann upp. Allir sáu þegar hann starði á mig og hélt um nefið, muldrandi dísess kræst eða eitthvað álíka. Hann kippti grallaraspóanum upp og skipti um sæti við hann. Þá litu allir á mig. Ég yppti bara öxlum og lét eins og ég vissi ekki hvað hefði gerst um leið og ég mjakaði mér lengra ofan á blómakassann. Ég sá út undan mér þegar Stebbi reis á fætur. Ég leit hins vegar aftur á sviðið og mjakaði mér alveg af stólnum mínum og yfir á blómakassann. Ef það kæmi meira prump myndi það vonandi lokast ofan í kassanum undir mér. Ég breiddi úr pilsinu og reyndi þannig að loka öllum glufum. Ég vonaði að það versta væri yfirstaðið. En auðvitað var það versta ekki yfirstaðið. Ballið var bara rétt að byrja. Það sem gerðist var að sjálf MÓÐU-HARÐ- INDIN voru á leiðinni. Ég fann hvernig maginn á mér snerist allur við þegar gaskúlan færðist niður á við innan í mér. Ég