Smásagnarsmáræði

hesthús og settu þær í plastpoka. Ekki, og ég meina alls ekki, koma við þær með berum höndum. Best er að nota prikið og til að vera alveg viss skaltu einnig nota gúmmíhanska. - Bless og við sjáumst von bráðar, þín mamma P.S. ég er á leiðinni út í bíl og verð komin eftir rúman einn og hálfan tíma. Elsku mamma, Ég vona að þú náir að lesa þetta þótt það sé ólíklegt. Bjössi bóndi varð ótrúlega glaður að þú værir að koma. Hvað held- urðu að hann hafi gert þegar hann frétti það? Hann fór beint til Rögnvaldar og neyddi hann til að afhenda sér pakka sem Rögnvaldur fékk í gær í póstinum.Þetta var ný sending af kyn- þokkalyfinu og Bjössi bóndi gleypti það allt. Hann blikkaði mig og sagðist vilja gefa af sér góðan þokka þegar þú kæmir. Ó mamma, ég er viss um að þér finnst hann sætur. Póstkonan í sveitinni er að minnsta kosti allt í einu mjög hrifin. Hún kom með nokkur bréf rétt eftir að hann gleypti lyfið og hún fæst ekki til að fara. Hún mænir núna inn um gluggann á Bjössa bónda meðan ég sit hér og skrifa. Ég er viss um að þú vilt bara giftast honum og þá getum við búið hér saman glöð og ég þarf aldrei að ná í lopaflíkurnar frá ömmu út í hesthús. Þær eru líka því miður allar út í götum en rottuungarnir eru duglegir þessa dagana að æfa sig að naga. Og gettu hvað? Elsku mamma - 149