Smásagnarsmáræði

126 - Smásagnasmáræði „Hæ, sæta,“ sagði Gulli litli um leið og hann opnaði fyrir mér bílskúrinn og bauð mig velkomna. Ég steig inn og sá að það voru gestir hjá honum. Tveir fullorðnir menn sem ég hafði aldrei séð áður. En ég vissi samt hvað var í gangi. Innst inni. Af því að ein stelpa sem er með mér á Akurhóli lenti í svipuðu. Það var einhver náungi, Lit- hái, sem hún var skotin í sem lokkaði hana inn á hótelher- bergi svo afi hans gæti nauðgað henni. Þetta kom á forsíðu DV og allt. Litháíski afinn komst auðvitað undan löggunni til útlanda og það var aldrei dæmt í málinu. Þannig er þetta yfirleitt á Íslandi. „Viltu gas?“ spurði Gulli. Ég sá að það voru nokkrir kútar þarna. Gömlu karlarnir létu sem ég væri ekki þarna. Þeir voru að reykja hass og virtust vera vel klæddir bissnessmenn. Ég sá í fréttunum áðan að annar þeirra er vinsæll lögmaður og hinn bankamaður. „Logmadurinn er vinur minn a Facebook,“ sendi Begga mér um leið og þulurinn á Stöð 2 sagði nafnið hans. „Við eigum hass líka,“ hélt Gulli áfram. „Áttu þær ekki að vera tvær?“ spurði lögmaðurinn og lét