49 48 Bls. 44–47: Tengd skrift æfð óháð stafafjölskyldum Hugtök: upphrópun, upphrópunarmerki, yfirlína, miðlína, grunnlína, leggur, punktur, skátenging, lárétt tenging. Bls. 44 Innlögn Kennari útskýrir fyrir nemendum að upphrópanir séu orð eða stuttar málsgreinar sem lýsa tilfinningum eins og gleði, ótta, undrun eða sorg. Upphrópunarmerki er notað á eftir upphrópunum. Þegar við lesum orð eða málsgreinar með upphrópunarmerki fyrir aftan þá vitum við að sá sem talar/kallar er gjarnan með annan tón í röddinni en það er vegna þess að viðkomandi er glaður, hræddur, hissa eða jafnvel sorgmæddur. Þetta er mjög gott að vita þegar við lesum upphátt fyrir aðra því þá getum við breytt tóninum í röddinni okkar þegar við á. Kennari sýnir nemendum á töflu hvernig upphrópunarmerki passar inn í stafahús og hvernig dregið er til upphrópunarmerkis. Mikilvægt er að nota hugtök skriftarinnar eins og við á. Humlan Blær minnir nemendur á að byrja efst. Þegar kemur að sjálfsmatinu á næstu síðu er gott að segja nemendum að hafa þessa áminningu í huga við matið. Verkefni Í fyrra verkefni síðunnar æfa nemendur sig að skrifa upphrópunarmerki. Í seinna verkefninu skrifa þeir upphrópanir með upphrópunarmerki fyrir aftan. Bls. 45 Verkefni Nemendur æfa sig að skrifa orð sem smám saman verða að upphrópun með upphrópunarmerki fyrir aftan. Sjálfsmat Í verkefninu að framan eiga nemendur að hafa áminninguna frá humlunni á fyrri síðu í huga þegar þeir meta frammistöðu sína í lok verkefnis. Nemendur merkja við þá málsgrein sem lýsir því best hvernig þeim gekk að ná markmiðinu. Bls. 46 Humlan Blær minnir nemendur á að skrifa upphrópunarmerkið rétt. Verkefni Nemendur skrifa orð og málsgreinar sem eru upphrópanir. Gott er að leggja áherslu á að nemendur spori ofan í forskriftina áður en þeir æfa sig að skrifa. Þraut Felumynd af sjóræningjaskipi. Nemendur eiga að lita hvern bókstaf eftir leiðbeiningum. Bls. 47 Innlögn Mikilvægt er að útskýra næsta verkefni vel fyrir nemendum en þeir eiga að ímynda sér að þeir séu að hvetja vini sína í fótboltaleik. Nemendur standa á hliðarlínunni og hvetja þá áfram. Kennari fer yfir með nemendum hvers konar orð geta verið hvatningaorð. Gott getur verið að gefa dæmi á töflu. Dæmi um slík orð: Áfram! Þú getur þetta! Vel gert! Verkefni Nemendur skrifa orð og/eða málsgreinar sem þeir ímynda sér að þeir geti notað til að hvetja vini sína áfram í fótboltaleik. Meistaralína Sjá inngangskafla. Bls. 48–55: Tengd skrift æfð óháð stafafjölskyldum Hugtök: tölustafir, yfirlína, grunnlína, raðtölur, hástafur, lágstafur, upphrópunarmerki, spurningarmerki, spurningar, punktur, skátenging, lárétt tenging. Bls. 48 Innlögn Kennari rifjar upp heiti vikudaganna með nemendum. Hér er tilvalið að syngja vísuna um dagana og hjálpa nemendum að læra hana utanbókar. Gott er að ræða að vikudagarnir bera heiti en samt sem áður er fyrsti stafurinn í heiti þeirra alltaf skrifaður með lágstaf. Þetta á líka við um mánaðarheitin. Humlan Blær minnir nemendur á hjálparlínurnar. Þegar kemur að sjálfsmatinu á næstu síðu er gott að segja nemendum að hafa þessa áminningu í huga við matið. Verkefni Nemendur spora ofan í málsgreinar og skrifa þær svo eftir forskrift. Bls. 49 Verkefni Nemendur eiga að skrifa hvaða dagur er í dag, hvaða dagur var í gær og hvaða dagur er á morgun. Þeir byrja málsgreinarnar á að spora ofan í forskrift og skrifa svo viðeigandi vikudag fyrir aftan. Í neðri línuna skrifa þeir málsgreinina aftur. Sjálfsmat Í verkefninu að framan eiga nemendur að hafa áminninguna frá Blæ á fyrri síðu í huga þegar þeir meta frammistöðu sína í lok verkefnis. Nemendur merkja við þá málsgrein sem lýsir því best hvernig þeim gekk að ná markmiðinu. Bls. 50 Innlögn Kennari kynnir hugtakið töluorð fyrir nemendum. Töluorð eru orð sem segja til um magn eða fjölda og eru notuð í staðinn fyrir tölustafi. Í krossgátunni neðst á blaðsíðunni eiga nemendur að skrifa töluorð fyrir tölustafina.
RkJQdWJsaXNoZXIy MjIxNzc=